الناس اللي زعلانة إن الفيس بوك منحاز لليهود و عايشين في جو النضال الإلكتروني لو مضايقهم أوي يسيبوه خالص ، يشوفولهم أي منتدي يلمهم ..
و الناس اللي مضايقة إن صورة إسرائيل في الوورد ، و عايزين نجاهد ضد الصهاينة و نمسح أبو الصورة من على "الحاسوب"
لما تمسح الصورة إسرائيل مش هتلم هدومها و تسيب فلسطين !
لما نبقى نعمل إحنا كمبيوتر و وورد نبقى نحط إنشاء الله حتى صورة كل مواطن في السوفت ويير و منبيعش للصهاينة أو نبيعلهم عشان نغيظهم ..
مقاطعتنا من عدمها مش فارقة عشان إحنا أصلاً مش بنعمل حاجة مفيدة ، مبنعملش غير إن إحنا نقاطع ! الشعوب المتحضرة لما بتقاطع بتسبب أزمة لأنها في العادي أصلاً بتنتج .
فككوا بقى من حوار الفلوس و الإعلانات و الدعاية و الكلام الفكسان ده ، مارك زوكبيرغ مش هيفلس ولا هيقفل الفيسبوك لو العرب كلهم سابوه ..
لما تدوس "أتيندينج" مش هتعالج مصاب و لما تقاطع الفيسبوك مش هتقوم معاهدة سلام و يرجع الحق لصحابه ...
الناس اللي بتضحك على نفسها و مقتنعة إنها كده عملت حاجة فظيعة و دافعت عن الفلسطينيين مالهمش غير جملة واحدة "يا أمة ضحكت من جهلها الأمم "
و مانلومش غير نفسنا على أي حاجة مضايقانا
ليست هناك تعليقات:
إرسال تعليق